ادويةمقالات دوائية

عقار قضية الفيرمونت | GHB | Gamma Hydroxy Buterate

خصائص مادة GHB

ما هو عقار قضية الفيرمونت

عقار قضية الفيرمونت | GHB | Gamma Hydroxy Buterate
عقار قضية الفيرمونت | GHB | Gamma Hydroxy Buterate

كلنا سمعنا فى الايام الاخيرة عن ( فتاة الفيرمونت ) . 

فتاة تم تخديرها والاعتداء عليها جنسيا من قبل 6 اشخاص فى فندق شهير عام 2014 

المخدر اللى تناولته الفتاة الضحية . 

المخدر ده مادة اسمها GHB وده اختصار ل Gamma Hydroxy Buterate

ما هيا طبيعة مادة GHB

المادة دى عبارة عن Metabolite لمادة تانية شهيرة جدا فى مخنا اسمها GABA وطبعا كلنا عارفين ان ال GABA عبارة عن CNS Depressant وبالتالى يبقى ال Metabolite بتاعها هو كمان CNS depressant

كيف تعمل مادة GHB 

مادة GHB بتروح تشتغل على GABA B Receptors وتعمل تأثيير مهدىء Sedative Effect ومن هنا جاء استخدام المادة دى للتخدير أثناء العمليات الجراحية وكمان شائع استخدامها فى مراكز علاج الادمان لتسهيل السيطرة على المدمنين اثناء تعرضهم للاعراض الانسحابية .

خصائص مادة GHB

المادة دى ملهاش لون وملهاش ريحة بس ليها طعم مالح خفيف ومن هنا سهل جدا يتم اضافتها لاى عصير او مشروب من غير ما حد ياخد باله ( غالبا بتضاف الى الخمور والكحوليات ) وطبعا دى كارثة تانية لان الكحول هو كمان CNS depressant وممكن وجود المخدر مع الكحول يعمل Severe Depression ويعمل Respiratory Arrest والشخص يموت .

طيب لو حد وضع GHB فى كأس عصير او كحول بكمية صغيرة اوى . ايه اللى هايحصل ؟؟؟

لو حد شرب العصير ده هايبقى فى قمة السعادة Euphoria ويحس ان جسمه مسترخى ومش حاسس باى وجع ولا ألم وكمان هايحس برغبة جنسية High Libido ومن هنا شاع استخدامه فى البارات والحانات والمراقص عشان الشباب يشعروا بسعادة واسترخاء وبعدين تنطلق حفلات العك براحتهم بقى والعياذ بالله . وعشان كدة اطلقوا عليه اسم Club Drug يعنى عقار النوادى !!!

طيب لو حد شرب عصير فيه جرعة اعلى من Gamma Hydroxy Buterate .

ايه اللى يحصل ؟؟ هايفقد الوعى ولما يفوق هايبقى ناسى كل حاجة Amnesia او فاكر حاجات بسيطة كدة بس مش ملم بكل التفاصيل اللى تعرض لها اثناء نوبة الاغماء . والادهى بقى ان بعد 24 ساعة بتلاقى العقار ده فص ملح وذاب . الجسم بيتخلص منه تماما وحتى البول مش بتعرف تكشف عن العقار جواه لان GHB له Very Short Half Life تقدر ب 30 دقيقة فقط !!!

طبعا نظرا للمزايا الرهيبة دى تم استغلال هذا العقار فى تخدير الضحايا تمهيدا للاعتداءات الجنسية عليهم لدرجة ان تم تسمية العقار ده بعقار الاغتصاب او Rape Drug .

من الاسماء المشهورة للعقار ده كمان Liquid Ecstasy . وده لانه بيسبب نشوة وسعادة زى الايكستاسى وكمان متوفر على شكل سائل بيتعبى فى Vials .

هل تسبب مادة Gamma Hydroxy Buterate الادمان 

العقار ده لو الشخض اتعود ياخده فى قطرات قليلة عشان يعمل دماغ ويعزز الرغبة الجنسية فساعتها بيحصل ادمان ولما الشخص يتوقف عن تناول المخدر بيتعرض الى اعراض انسحابية بعد 12 ساعة فقط وممكن جدا يتعرض لتشنجات ودى حالة خطيرة تستلزم حجز المريض فى مستشفى خاص لعلاج الادمان .

اما لو شخص ( ضحية ) تعرض الى جرعة زائدة منه فساعتها بيتم التعامل مع الحالة ك Supportive Care لان مفيش Antidote معروف وبيكون كل هم الدكاترة هو ابقاء المسالك التنفسية مفتوحة لان زى ما قلنا ممكن العقار ده يعمل Respiratory Depression يؤدى الى الوفاة .

بداية القضية بدأت القضية في الانتشار من خلال مواقع التواصل الاجتماعي، بعدما تداول روادها رواية نقلها حساب يسمى “شرطة الاعتداءات” Assault Police عبر “إنستجرام”، لفتاة قالت إنه تم اغتصابها عام 2014 داخل فندق فيرمونت خلال تواجدها في إحدى الحفلات، بعد تخديرها بمخدر “GHB” (الذي يتسبب في فقدان الوعي)، وأن مغتصبيها صوروا أنفسهم خلال الاعتداء عليها، بل وحفروا أحرف أسماءهم على جسدها مع تهديدها إذا قررت الإبلاغ عنهم. 

 د.نرمين احمد

«عقار الاغتصاب» يعالج مرضاً نادراً

فى عام 2002 وافقت هيئة الأغذية والأدوية الاميركية على استخدام عقار «جي. أتش.بي»، الذي يطلق عليه عقار الاغتصاب لأن من يتناوله يفقد الوعي بشكل فجائي، في علاج مرض نادر وهو الخدر، الذي يسقط مرضاه في نوبات نوم عميقة وقصيرة وفجائية. ويتراوح عدد هؤلاء المرضى من 20 ألفاً إلى 50 ألف مريض. وسوف يخضع بيع العقار الجديد لإجراءات صارمة تحول دون وقوعه في أيدي فئات تسيء استخدامه. وكانت الحكومة الاميركية قد شنت حملة خلال التسعينيات ضد الاستخدام غير القانوني لعقار «جي. اتش.بي» بعد استخدامه بكثرة في حفلات الجنس والمخدرات، ولذلك أطلق عليه « عقار الاغتصاب.» وفي منتصف التسعينيات تم تقييد تداول العقار بواسطة هيئة الأغذية والأدوية الاميركية. وعام 2000 صدر قانون يجرم مستخدمي العقار أو موزعيه بشكل غير قانوني، ويعاقبهم بالسجن. وتقدر إدارة الأدوية الاميركية أن هذا العقار أدى إلى 58 حالة وفاة منذ عام 1990. فضلا عن خطورته في إحداث حالات غيبوبة خطيرة. وتواجه الشركة الوحيدة التي تملك حق إنتاج العقار «أورفان مديكال» مشكلة في ضبط توزيعه. ومن المقرر أن يباع العقار بعد السماح باستخدامه لعلاج أمراض أخرى تحت اسم جديد هو «كسيريم». «سي.إن.إن»
فى الاخير نود ان نذكر بــ 
 
عقار جي اتش بي GHB من الأدوية التي يمكن استعمالها بطريقة صحيحة ومفيدة عند استخدامها في التخدير للعمليات الجراحية وكذلك لعلاج النوم القهري، ويُساء استخدامها في عمليات الاغتصاب والاعتداء الجنسي بطريقة غير مشروعة.
يدخل هذا الدواء ضمن الجدول الأول للمخدِّرات؛ لذلك يجب الحذر عند تناول المشروبات خارج المنزل.
 
كلمات دلالية لمادة GHB
قطرة جي اتش بي للبيع ,مخدر الفيرمونت ,جي إتش بي في مصر,GHP قطرات
مخدر GBH , مادة الجي جي المخدرة .

اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *